حَدَّثَنِي مُحَمَّدُ بْنُ عَبْدِ اللَّهِ بْنِ بَزِيعٍ، حَدَّثَنَا ابْنُ أَبِي عَدِيٍّ، عَنْ شُعْبَةَ، عَنْ مَعْبَدِ بْنِ خَالِدٍ عَنْ حَارِثَةَ :
أَنَّهُ سَمِعَ النَّبِيَّ صلى الله عليه وسلم قَالَ ” حَوْضُهُ مَا بَيْنَ صَنْعَاءَ وَالْمَدِينَةِ ” . فَقَالَ لَهُ الْمُسْتَوْرِدُ أَلَمْ تَسْمَعْهُ قَالَ ” الأَوَانِي ” . قَالَ لاَ . فَقَالَ الْمُسْتَوْرِدُ ” تُرَى فِيهِ الآنِيَةُ مِثْلَ الْكَوَاكِبِ ”
وَحَدَّثَنِي إِبْرَاهِيمُ بْنُ مُحَمَّدِ بْنِ عَرْعَرَةَ، حَدَّثَنَا حَرَمِيُّ بْنُ عُمَارَةَ، حَدَّثَنَا شُعْبَةُ، عَنْ مَعْبَدِ بْنِ خَالِدٍ أَنَّهُ سَمِعَ حَارِثَةَ بْنَ وَهْبٍ الْخُزَاعِيَّ، يَقُولُ سَمِعْتُ رَسُولَ اللَّهِ صلى الله عليه وسلم يَقُولُ . وَذَكَرَ الْحَوْضَ بِمِثْلِهِ وَلَمْ يَذْكُرْ قَوْلَ الْمُسْتَوْرِدِ وَقَوْلَهُ .
“எனது (‘அல்கவ்ஸர்’ எனும்) தடாக(த்தின் விசால)மானது, (யமனிலுள்ள) ‘ஸன்ஆ’விற்கும் மதீனாவிற்கும் இடையேயான தொலைதூரம் கொண்டதாகும்” என நபி (ஸல்) கூறக் கேட்டேன் என்று நான் சொன்னேன்.
அப்போது முஸ்தவ்ரித் பின் ஷத்தாத் (ரலி) என்னிடம், “அதன் கோப்பைகள் குறித்து நீங்கள் நபி (ஸல்) அவர்களிடமிருந்து செவியுறவில்லையா?” என்று கேட்டார்கள். நான் “இல்லை“ என்றேன். அதற்கு முஸ்தவ்ரித் (ரலி), “(அல்கவ்ஸர்) தடாகத்தில் வைக்கப்பட்டுள்ள கோப்பைகள் (எண்ணிக்கையில்) நட்சத்திரங்களைப் போன்று காணப்படும்” என நபி (ஸல்) தெரிவித்ததாகச் சொன்னார்கள்.
அறிவிப்பாளர் : ஹாரிஸா பின் வஹ்பு (ரலி)
குறிப்பு :
ஹரமீ பின் உமாரா (ரஹ்) வழி அறிவிப்பில், ‘அல்கவ்ஸர்’ தடாகத்தைப் பற்றி மேற்கண்ட ஹதீஸில் உள்ளபடி அறிவித்தார்கள் என்று மட்டும் இடம்பெற்றுள்ளது. முஸ்த்தவ்ரித் (ரலி) அவர்களின் கேள்வியும் அவர்களுக்கு ஹாரிஸா (ரலி) அளித்த பதிலும் இடம்பெறவில்லை.