அத்தியாயம்: 15, பாடம்: 60, ஹதீஸ் எண்: 2319

‏و حَدَّثَنِي ‏ ‏مُحَمَّدُ بْنُ الْمِنْهَالِ الضَّرِيرُ ‏ ‏حَدَّثَنَا ‏ ‏يَزِيدُ بْنُ زُرَيْعٍ ‏ ‏حَدَّثَنَا ‏ ‏حُمَيْدٌ الطَّوِيلُ ‏ ‏عَنْ ‏ ‏بَكْرِ بْنِ عَبْدِ اللَّهِ الْمُزَنِيِّ ‏ ‏قَالَ: ‏

‏كُنْتُ جَالِسًا مَعَ ‏ ‏ابْنِ عَبَّاسٍ ‏ ‏عِنْدَ ‏ ‏الْكَعْبَةِ ‏ ‏فَأَتَاهُ أَعْرَابِيٌّ فَقَالَ مَا لِي أَرَى بَنِي عَمِّكُمْ يَسْقُونَ الْعَسَلَ وَاللَّبَنَ وَأَنْتُمْ تَسْقُونَ ‏ ‏النَّبِيذَ ‏ ‏أَمِنْ حَاجَةٍ بِكُمْ أَمْ مِنْ بُخْلٍ فَقَالَ ‏ ‏ابْنُ عَبَّاسٍ ‏ ‏الْحَمْدُ لِلَّهِ مَا بِنَا مِنْ حَاجَةٍ وَلَا بُخْلٍ قَدِمَ النَّبِيُّ ‏ ‏صَلَّى اللَّهُ عَلَيْهِ وَسَلَّمَ ‏ ‏عَلَى ‏ ‏رَاحِلَتِهِ ‏ ‏وَخَلْفَهُ ‏ ‏أُسَامَةُ ‏ ‏فَاسْتَسْقَى فَأَتَيْنَاهُ بِإِنَاءٍ مِنْ ‏ ‏نَبِيذٍ ‏ ‏فَشَرِبَ وَسَقَى ‏ ‏فَضْلَهُ ‏ ‏أُسَامَةَ ‏ ‏وَقَالَ ‏ ‏أَحْسَنْتُمْ وَأَجْمَلْتُمْ كَذَا فَاصْنَعُوا فَلَا نُرِيدُ تَغْيِيرَ مَا أَمَرَ بِهِ رَسُولُ اللَّهِ ‏ ‏صَلَّى اللَّهُ عَلَيْهِ وَسَلَّمَ

நான் இப்னு அப்பாஸ் (ரலி) அவர்களுடன் இறையில்லம் கஅபா அருகில் அமர்ந்திருந்தேன். அப்போது அவர்களிடம் ஒரு கிராமவாசி வந்து, “உங்கள் தந்தையின் சகோதரர் மக்கள், (ஹாஜிகளுக்கு) தேனும் பாலும் விநியோகிக்கின்றனர். நீங்களோ பழரசம் விநியோகிப்பதை நான் காண்கிறேனே, ஏன்? உங்களுக்கு வறுமை ஏற்பட்டுவிட்டதா, அல்லது கருமித்தனம் செய்கின்றீர்களா?” என்று கேட்டார்.

அதற்கு இப்னு அப்பாஸ் (ரலி), “அனைத்துப் புகழும் அல்லாஹ்வுக்கே உரியது. எங்களுக்கு வறுமை ஏற்பட்டுவிடவுமில்லை; நாங்கள் கருமித்தனமும் செய்யவில்லை. நபி (ஸல்) (ஒரு முறை) தமக்குப் பின்னால் (தமது வாகனத்தில்) உஸாமா (ரலி) அமர்ந்திருக்க, எங்களிடம் வந்து தண்ணீர் கேட்டார்கள். அவர்களுக்கு ஒரு பாத்திரத்தில் நாங்கள் பழரசம் கொண்டுவந்(து கொடுத்)தோம். அவர்கள் அதைப் பருகிவிட்டு மீதியை உஸாமா (ரலி) அவர்களுக்குப் பருகக் கொடுத்தார்கள். பிறகு, “நன்றே செய்தீர்கள்! அழகுறச் செய்தீர்கள்! இவ்வாறே செய்துவாருங்கள்!” என்று (எங்களைப் பாராட்டிக்) கூறினார்கள். எனவே, நாங்கள் அல்லாஹ்வின் தூதர் (ஸல்) அவர்களின் (உத்தரவுப்படியே செய்துவருகிறோம். அந்த) உத்தரவிற்கு மாற்றம் செய்ய நாங்கள் விரும்பவில்லை” என்று சொன்னார்கள்.

அறிவிப்பாளர் : இப்னு அப்பாஸ் (ரலி) வழியாக பக்ரு பின் அப்தில்லாஹ் அல்முஸனீ (ரஹ்)