அத்தியாயம்: 4, பாடம்: 43, ஹதீஸ் எண்: 754

حَدَّثَنَا ‏ ‏الْحَكَمُ بْنُ مُوسَى أَبُو صَالِحٍ ‏ ‏حَدَّثَنَا ‏ ‏هِقْلُ بْنُ زِيَادٍ ‏ ‏قَالَ سَمِعْتُ ‏ ‏الْأَوْزَاعِيَّ ‏ ‏قَالَ حَدَّثَنِي ‏ ‏يَحْيَى بْنُ أَبِي كَثِيرٍ ‏ ‏حَدَّثَنِي ‏ ‏أَبُو سَلَمَةَ ‏ ‏حَدَّثَنِي ‏ ‏رَبِيعَةُ بْنُ كَعْبٍ الْأَسْلَمِيُّ ‏ ‏قَالَ ‏

‏كُنْتُ أَبِيتُ مَعَ رَسُولِ اللَّهِ ‏ ‏صَلَّى اللَّهُ عَلَيْهِ وَسَلَّمَ ‏ ‏فَأَتَيْتُهُ بِوَضُوئِهِ وَحَاجَتِهِ فَقَالَ لِي سَلْ فَقُلْتُ أَسْأَلُكَ مُرَافَقَتَكَ فِي الْجَنَّةِ قَالَ أَوْ غَيْرَ ذَلِكَ قُلْتُ هُوَ ذَاكَ قَالَ ‏ ‏فَأَعِنِّي عَلَى نَفْسِكَ بِكَثْرَةِ السُّجُودِ ‏

நான் அல்லாஹ்வின் தூதர் (ஸல்) அவர்களுடன் (ஒரு நாள்) தங்கியிருந்தேன். அவர்கள் (இரவுத் தொழுகைக்காக எழுந்தபோது) இயற்கைக்கடனை நிறைவேற்றி(ய பின் துப்புரவு செய்து) கொள்வதற்கும் உளூச் செய்து கொள்வதற்கும் தண்ணீர் கொண்டு சென்றேன். அப்போது அவர்கள், “என்னிடம் (ஏதேனும்) கோருவீராக!” என்று என்னிடம் கூறினார்கள். “சொர்க்கத்தில் நான் உங்களுடன் இருக்க வேண்டும் என்று கோருகிறேன்” என்றேன். அதற்கு, “இதையன்றி வேறு ஏதேனும் (கோருவீராக)” என்றார்கள். நான், “(இல்லை) அதுதான்” என்றேன். அதற்கு அவர்கள், “அப்படியானால் உமது கோரிக்கை நிறைவேற அதிகமாக ஸஜ்தாச் செய்து எனக்கு உதவுவீராக!” என்று சொன்னார்கள்.

அறிவிப்பாளர்: ரபீஆ பின் கஅப் அல்அஸ்லமீ (ரலி)