அத்தியாயம்: 22, பாடம்: 30, ஹதீஸ் எண்: 3021

حَدَّثَنِي حَرْمَلَةُ بْنُ يَحْيَى، أَخْبَرَنَا عَبْدُ اللَّهِ بْنُ وَهْبٍ، حَدَّثَنِي عُمَرُ بْنُ مُحَمَّدٍ، أَنَّحَدَّثَهُ عَنْ سَعِيدِ بْنِ زَيْدِ بْنِ عَمْرِو بْنِ نُفَيْلٍ:‏ ‏

أَنَّ أَرْوَى، خَاصَمَتْهُ فِي بَعْضِ دَارِهِ فَقَالَ دَعُوهَا وَإِيَّاهَا فَإِنِّي سَمِعْتُ رَسُولَ اللَّهِ صلى الله عليه وسلم يَقُولُ ‏ “‏ مَنْ أَخَذَ شِبْرًا مِنَ الأَرْضِ بِغَيْرِ حَقِّهِ طُوِّقَهُ فِي سَبْعِ أَرَضِينَ يَوْمَ الْقِيَامَةِ ‏”‏ ‏.‏ اللَّهُمَّ إِنْ كَانَتْ كَاذِبَةً فَأَعْمِ بَصَرَهَا وَاجْعَلْ قَبْرَهَا فِي دَارِهَا ‏


قَالَ فَرَأَيْتُهَا عَمْيَاءَ تَلْتَمِسُ الْجُدُرَ تَقُولُ أَصَابَتْنِي دَعْوَةُ سَعِيدِ بْنِ زَيْدٍ ‏.‏ فَبَيْنَمَا هِيَ تَمْشِي فِي الدَّارِ مَرَّتْ عَلَى بِئْرٍ فِي الدَّارِ فَوَقَعَتْ فِيهَا فَكَانَتْ قَبْرَهَا‏.‏

அர்வா பின்தி உவைஸ் என்பவள் எனது வீட்டின் ஒரு பகுதியில் (உரிமை கோரி) வழக்காடினாள். அப்போது நான், “அவளையும் அந்த(ப் பகுதி) வீட்டையும் விட்டுவிடுங்கள். ஏனெனில், ‘நியாயமின்றி (பிறருக்குச் சொந்தமான) ஒரு சாண் நிலத்தை அபகரித்துக் கொள்கின்றவரது கழுத்தில் மறுமை நாளில் ஏழு பூமிகள் மாலையாக மாட்டப்படும்’ என்று அல்லாஹ்வின் தூதர் (ஸல்) கூறியதை நான் கேட்டுள்ளேன். இறைவா! அவள் (தனது வாதத்தில்) பொய் சொல்பவளாக இருந்தால், அவளது பார்வையைப் பறித்துவிடு. அவளது சவக்குழியை அந்த வீட்டிலேயே அமைத்துவிடு” என்று வேண்டினேன்.

அறிவிப்பாளர் : ஸயீத் பின் ஸைத் பின் அம்ரு பின் நுஃபைல் (ரலி)


குறிப்பு :

இந்த ஹதீஸை ஸயீத் பின் ஸைத் (ரலி) அவர்களிடமிருந்து அறிவிக்கும் முஹம்மது பின் ஸைத் பின் அப்தில்லாஹ் பின் உமர் (ரஹ்) கூறுகின்றார்:

பின்னர் நான் அந்தப் பெண்ணைப் பார்வை இழந்தவளாகப் பார்த்தேன். அவள் சுவர்களைத் தடவிக்கொண்டு நடந்தாள். “ஸயீத் பின் ஸைதின் பிரார்த்தனை எனது விஷயத்தில் பலித்துவிட்டது” என்று கூறுவாள். இந்நிலையில் அவள் (ஒரு நாள்) தனது வீட்டில் நடந்துகொண்டிருந்தபோது, வீட்டின் கிணற்றை அவள் கடந்து சென்றாள். அப்போது அதில் அவள் (தவறி) விழுந்துவிட்டாள். அதுவே அவளது சவக் குழியாக அமைந்தது.

Share this Hadith: